കൂണുകളില്‍ നടത്തിയ മറ്റൊരു പരീക്ഷണം. ഇത്തവണ തനി കേരളാ സ്റ്റൈല്‍. ചപ്പാത്തി, ഖുബ്സ്, ചോറ്, ബ്രെഡ് എന്തിന്റെയും കൂടെ ചേര്‍ന്നോളും.ഇതു ഫീഡ് ചെയ്യിച്ചവരില്‍ നിന്നും 100% നല്ല ഫീഡ്ബാക്ക് ആയിരുന്നു എന്ന അഹങ്കാരത്തോടെ പാചകക്കുറിപ്പ്.
ചേരുവകകള്‍
- പോര്‍ട്ടോബെല്ലോ മഷ്റൂം - വലുത് ഒന്ന്
- ഇനോക്കി മഷ്റൂം - ഒരു കെട്ട്
- ബട്ടണ്‍ മഷ്റൂം - രണ്ട് കപ്പ്
- കാപ്സിക്കം - അര മുറി
- സവാള - രണ്ട്
- വെളുത്തുള്ളി- നാലഞ്ച് അല്ലി
- ഇഞ്ചി - ഒരു തുണ്ട്
- തക്കാളി - ഒന്ന്
- കറിവേപ്പില9. ഉപ്പ്
- മുളകുപൊടി
- മഞ്ഞള്‍ പൊടി
- വെജിറ്റബിള്‍ ബ്രോത്ത് ഒരു കപ്പ്
- ഉപ്പ്
- ഒലിവ് ഓയില്‍
തയ്യാറെടുപ്പ്
കൂണുകള്‍ , കാപ്സിക്കം, തക്കാളി ചെറിയ കഷണമായി മുറിക്കുക. സവാള കൊത്തിയരിയുക. വെളുത്തുള്ളിയും ഇഞ്ചിയും അരകല്ലില്‍ ചതയ്ക്കുക.
ഇനോക്കി, ബട്ടണ്‍, പോര്‍ട്ടോബെല്ലോ, സവാള
കാപ്സിക്കം, തക്കാളി
പാചകം
വറചട്ടി ചൂടാക്കി ഒലിവോയില്‍ ഒരു സ്പൂണ്‍ ഒഴിച്ച് അതില്‍ സവാള, വെളുത്തുള്ളി ഇഞ്ചികള്‍ വഴറ്റുക. അതിനു നിറം മാറി വരുമ്പോള്‍ തക്കാളി, കാപ്സിക്കം എന്നിവ കൂടി ചേര്‍ത്ത് വഴറ്റുക. ഇതില്‍ മുളകുമഞ്ഞളുകള്‍ ഉപ്പ് ചേര്‍ത്ത് ഒരു പരുവത്തില്‍ ആയി കഴിയുമ്പോള്‍ കൂണുകള്‍ എല്ലാം ഇട്ട് നല്ലതുപോലെ ഇളക്കി ചൂടാക്കുക. ശേഷം വെജിറ്റബിള്‍ ബ്രോത്ത് ഒഴിച്ച് മൂടി വയ്ക്കുക. ഇടയ്ക്ക് നല്ലതുപോലെ ഇളക്കുക. വെന്തു വരുമ്പോള്‍ കറിവേപ്പില ചേര്‍ത്ത് കുറച്ചു നേരം കൂടി ഇളക്കി വാങ്ങിവയ്ക്കാം.
സംഗതി റെഡിയായി. വരീ, ഇരീ, കഴീ.
പിന്‍‌കുറിപ്പ്
- ഡോ. എസ്സല്‍സ്റ്റീന്‍ ഡയറ്റില്‍ ഉള്ളവര്‍ ഉപ്പ് ഒഴിവാക്കുക, എണ്ണയ്ക്കു പകരം ബ്രാഗ്'സ് ലിക്വിഡ് അനിമോസ് ചേര്‍ക്കാം അല്ലെങ്കില്‍ ഒരു സെറാമിക്ക് പാനില്‍ അല്പം വെള്ളം തളിച്ചു വഴറ്റാം.
- ടിപ്പിക്കല്‍ കേരളാ ബീഫ് കറി സ്റ്റൈല്‍ മണം ഇഷ്ടമല്ലാത്തവര്‍ക്ക് കറിവേപ്പിലയും മസാലയും ഒഴിവാക്കി അല്പ്പം സോയ് സോസ് ചേര്‍ക്കാം.
- ഇത്തരം കൂണുകള്‍ കിട്ടാനില്ലാത്ത നാട്ടിലുള്ളവര്‍ ഏതെങ്കിലും ഇത്തിരി കടുപ്പമുള്ളതും ഉദാഹരണം ഷീറ്റാക്കേ ; പിന്നെ ലോലമായ ഒന്നും ഉദാഹരണം ചിപ്പിക്കൂണ് കൂടെ വച്ചും പണിയൊപ്പിക്കാം.
30-oct-2014
No comments:
Post a Comment